رانيا محمود ياسين توجه رسالة قوية إلى الإعلام

وجهت الفنانة رانيا محمود ياسين رسالة الى الاعلام بوجه عام عبر صفحتها على موقع التواصل الاجتماعى انستجرام.  وقالت رانيا : "كله حافظ مش فاهم الاعلام المحترم هو انك تكون حياديا في معظم الملفات تنتقد بأدب تهاجم في حدود انك متولعش البلد تخاف علي سمعة بلدك وبرضه تناقش سلبياتها تحترم حكومتك و تنقدها وتقومها وتهاجمها في اوقات كتير تحترم رمز بلدك لكن ممكن وتنقده مافيش حد فوق النقد تخاف علي بلدك من الارهاب والدول إلي بتدعمه اهو ده بقي إلي بيتمسح فيه الحيادية الاعلامية بأستيكة انما اكلشيه الاعلام الفاسد واعلام تطبيل علشان اولع البلد فدي مش مهنيه اصلا ماهومش علشان اعجب الاعلاميين إللي بتمولهم قطر وتركيا فبقي كده وطنية ثورية شريفه ده كلام ناس حافظه مش فاهمه وإلي علي البحر عواااام. 

وتضيف رانيا قائلة : "احترامك لجمهورك واهتمامك ووعيك وحرصك علي الامن القومي المصري والعربي مصداقيتك في شغلك وانك ترضي ضميرك المهني دي امور لا يفهمها سوي كل من ينظر من بعيد وإلي ايده في الميه مش زي إلي ايده في نار يا شويه زيطه و الكلام وده موجه طبعا لبهوات الي بيدخلوا يقولوا يا الاعلام الفاسد والاعلام تطبيل والهري الخايب ده فلتقل خيرا أو لتصمت "وإلي مش فاهم في حاجه بخليه في نفسه ما يعقدتش يفتي".