كب كيك ألوان الطيف .. طريقة جديدة وجميلة

قدمى الـ كب كيك لأولادك بطريقة جديدة وبشكل شيك وجميل وملفت وكمان صحى وجميل , افضل من الكيك اللى ممكن يشتروه من الأسواق يلا خليكى متجددة وقدمى الكب كيك بطريقة جديدة وجميلة .   المقادير :   3كوب دقيق   2 معلقة كبيرة بيكنج بودر   4 بيضات في درجة حرارة الغرفة   معلقة صغيرة فانيليا   ثلاثة ارباع كوب سمن   1 كوب سكر   1 كوب لبن سائل   طريقة التحضير:   يخفق البيض مع السكر جيدا حتى يصبح الخليط كريمي   يضاف السمن الي الخليط مع الاستمرار في الخفق   يضاف الدقيق و البيكنج بودر و الفانيليا والكاكاو بعد نخلهم الي الخليط السابق على دفعات   يضاف كوب اللبن و يقلب الخليط حتى يمتزج تماما   يقسم الخليط الي 3 اجزاء :   جزء يترك باللون الابيض و جزء ضفت له ملون طعام احمر و جزء ضفت له ملون طعام احمر مع ملون طعام ازرق    علشان عايزة اللون البنفسجي ( الوان الطعام يدوب باضيف نقطتين او ثلاثة علشان تحصلى على درجة اللون المطلوب )   يصب الخليط في قوالب الكب كيك ( يملا الي الثلثين فقط ) طبقة من اللون البنفسجي ثم طبقة من اللون الاحمر و طبقة من اللون الابيض   ممكن ترتبي الطبقات حسب الرغبة او تغير في في الالوان   نضع قالب الكيك في فرن سابق التسخين في الرف الاوسط على حرارة 180 و ما نفتحش على الكيك الا بعد من 15 _ 20 دقيقة   نخرج الكيك من الفرن و يترك ليبرد تماما و يقدم …   وبالصحة والهنا…