ميرهان تكشف ما فعله الضابط معها داخل الحجز

قالت الفنانة ميرهان حسين، إنها تعرضت لأسوأ معاملة في حياتها داخل قسم الشرطة من الملازم إيهاب بحر.
وروت ميرهان، في التحقيقات أمام النيابة، ونشرته إحدى الصحف، قائلة: "رحت القسم وهناك اتعاملت أسوأ معاملة في حياتى علشان الملازم إيهاب بحر قعد يشتمني شتيمة متواصلة وقعد يقولي يا (....) يا (....)، وبعدين مسك شنطتي ودلق متعلقاتي على الأرض وكسر لي زجاجة البرفان بتاعتي وأفرغ كامل محتويات محفظتي وكروت الفيزا بتاعتي".

وأضافت: "كل ما حاول أوطي علشان أجمع الحاجة بتاعتي كان بيضربني بالشلوت وكان بيقول لي قومي يا (....)، وحاول يدخّلني الحجز، وبعدما دخّلني الحجز راح زعق وقال: طبعًا أنا مش هتحاسب على اللي بعمله ده، وزقني جوه الحجز، ودخل جوه الحجز ومسكني من فرجي، وقال لي: بالذمة، وقال كلام مفاده إني عاهرة وباخد فلوس عشان أمارس الأعمال منافية، ودلق كباية ميّه في وشي".
 
وتابعت: "بعدين دخّلني على الحمام ومسكني من فرجي تاني جوه الحمام، وقال لي: اقعدي يا (....) أقعدي، ودلق علىّ ميّه وسخة وقعد يضرب فىّ أنا والمساعدة بتاعتي رفيقة وقعد يقول لي يا (....)، وقعد يضرب فىّ برجله كل ما يدخل الحجز، وكان كل شوية يضرب فىّ وكان بيأكد على الضباط إن أنا ورفيقة مانخرجش من الحمام، وفعلًا قعدنا طول الوقت فى الحمام وجينا على هنا".