ياسمين رئيس تنتقد تنظيم "من ضهر راجل" في "مهرجان القاهرة "

أكدت الفنانة ياسمين رئيس، إنها حاولت الاثنين حضور عرض فيلم "من ضهر راجل" الذي تشارك في بطولته، في المسرح الكبير بدار الأوبرا المصرية، ضمن مهرجان القاهرة السينمائي في دورته الـ 37، لكنها لم تتمكن من ذلك قبل بداية الفيلم بوقت كافي.

وعلقت ياسمين عبر صفحتها الرسمية في موقع التواصل الاجتماعي "فيسبوك"، "امبارح حضرت العرض الأول لفيلم (من ضهر راجل) في مهرجان القاهرة السينمائي، وللأسف كان من الصعب عليا أنا وأبطال الفيلم دخول قاعة المسرح الكبير في الأوبرا قبل بداية عرض الفيلم بوقت كافي بسبب الزحام الشديد والسلوك العام من الكل".

وتابعت: "بالنسبة للزحام فده شيء يسعدني لأن الناس حريصة على إنها تشوف فيلمي، لكن القاعة عدد كراسيها محدود، والدخول بأسبقية الحضور زي ما كلنا عارفين، فكان المفروض الباب يتقفل لما القاعة تتملي بالكامل، لكن الأمن تعامل بارتباك مع الموقف والجمهور كان مستمر في دخول القاعة رغم إن مفيش أماكن جوا، ده غير بعض الصحافيين اللي كانوا بيطلبوا في وقت وظرف زي ده تصريحات نارية ضد الموقف مش أكتر عشان سبق صحفي مزيف أو أي فرقعة إعلامية".

واختتمت "أتمنى إن الجمهور والصحفيين والقائمين على تنظيم مهرجان القاهرة، إنهم يتعاونوا مع بعض ومايخلوش فيه فرصة لتكرار ده تاني".

"من ضهر راجل" بطولة آسر ياسين، محمود حميدة، وليد فواز، شريف رمزي، صبري فواز، وهو من تأليف محمد أمين راضي، وإخراج كريم السبكي، وإنتاج أحمد السبكي.