روت الإعلامية مها الصغير تفاصيل قصة زواج وطلاق والدها محمد الصغير ووالدتها ملكة العلايلي على مدار 22 عامًا، واصفة العلاقة بأنها  قصة تعبر عن الوفاء والحب.وكتبت مها الصغير، عبرحسابها الشخصي بموقع تبادل الصور والفيديوهات القصيرة "انستجرام"، "في حاجه مهمه أوي عايزة كل العالم يعرفها، و اكيد مش هعرف اكتب الكلام ده تاني.. أبطال القصة دي هم أبي وحياتي كلها واللي يعرفني كويس يعرف أن محمد الصغير مش أبويا بس هو حب عمري، والبطلة الثانية هي أعظم ست في العالم ملكه العلايلي".

وأضافت: "قصه حب عشتها علي مدار كل يوم وكل ثانيه لغايه اللحظة حتي لما تطلقوا كنت عارفه أنه بيحبها وهي بتحبه وعمري ما شفته أو شفتها سعيدة غير وهي مراته، المهم امي اتجوزت ابويا وهي من عائله ارستقراطيه و هو من عائله بسيطه وتحدت اهلها و قطعوها وهو لم يكن معاه سوي 100 جنيه".

وتابعت: "وحصل مشاكل وتطلقوا من 22 سنة ويوم ما تعب وهو حواليه ناس كتير اوي (بس في الافراح فقط) طلب مني اطلب امي في التليفون وطلب يشوفها وجت له علي طول، يوم ما حس انه ضعيف اوي و تعبان بجد طلب ضهره وسنده الي بجد مش في المنظرة وجت و طلب منها متزعلش منه وانها تتجوزه علي سنه الله و رسوله تاني، واصدقاء الابطال في هذا الفيلم الجميل الي شهدوا هذه اللحظه هما انا وأخويا مصطفي واخويا التاني الدكتور الي مسبنيش لحظه يحيي البستاني".

واستكملت: "الدنيا اتدربكت وطلب مأذون و جه المأذون جوز ملكه العلايلي لمحمد الصغير علي سنه الله ورسوله، فهذه العظيمة اتجوزته وهو محلتوش حاجه و في عز ضعفه و رجعت له و هو في عز ضعفه برده، ونام في حضنها وهو مرتاح أوي، هو الان في امس الحاجه للدعاء لانه في لحظات حرجه اوي. ادعوا له وآسفه اني طولت عليكوا".

قد يهمك أيضا : 

أحمد السقا يُؤكّد أنّ علاقته بـ"السوشيال ميديا" مثل اللغة الصينية

تصاميم أقراط تمنحك إطلالات جذابة اعتمدتها النجمات في رمضان