تعلمي طريقة عمل طاجن لحمة الراس

المقادير

10  عدد عيدان كرفس

5  معلقة كبيرة ماء

4  عدد بصلة

2  عدد ورق لورا

2  عدد طماطم

2 معلقة كبيرة فص ثوم (مفروم)

2 عدد رأس كرات (مفرومة)

2  عدد بطاطس (مقطع شرائح أو مكعبات)

2 معلقة صغيرة فلفل اسود مطحون (أو حسب الرغبة)

2  معلقة كبيرة صلصة طماطم

1 ¼  كوب عصير طماطم

1 كوب بسلة

1 رشة جوزة الطيب

1  معلقة صغيرة بهارات لحمة

1  معلقة صغيرة حبهان

1  عدد حباية جزر (مقطعة)

1  عدد قرن فلفل حامى

½  كيلو لحمة (راس)

¼  معلقة صغيرة كمون

طريقة التحضير:

أهم حاجة فى لحمة الراس انها تتنضف كويس جدا بالماء والملح والليمون قبل السلق.

فى حلة هنسلق لحمة الراس من ساعة لساعة ونصف مع جزرة مقطعة وبصلة وكرفس وراس كرات مفرومة وورق لورا وحبهان والملح والفلفل.

فى حلة على النار هنضيف زيت ومعلقتين كبار ثوم مفروم وبصلتين مفرومين ونقلبهم كويس جدا.

هنضيف معلقة كبيرة كرفس ومعلقة كبيرة راس كرات مفرومة ونقلب كويس.

هنضيف كوب البسلة ونقلب كويس, وبعدين هضيف طماطماية مقطعة مكعبات ونستمر فى التقليب وبعدين هنضيف كوب عصير الطماطم ونقلب كويس.

هنضيف الكمون ورشة جوزة الطيب و بهارات الحمة و معلقة صغيرة فلفل و صلصة الطماطم ونقلب كويس.

بعد ما اللحمة تتسلق هنشيلها من الحلة ونحطها فى حلة الصوص ونقلبها كويس بدون رفع حلة الصوص من على النار.

هنجيب الطاجن وهنضيف فيه 2 بطاطس شرائح, وطماطماية شرائح و فلفل اخضر شرائح وبصلة شرائح وربع كوب عصير طماطم. وقرن فلفل حار.

هنرفع لحمة الراس من الصوص ونحطها فى الطاجن وفى الأخر هنضيف الصوص كله فى الطاجن ومعاه حوالى 5 معالق كبار ماء ونغطى الطاجن بفويل ويدخل الفرن حوالى ساعة على درجة حرارة 180.