القاهره-البحرين اليوم
ردّت الفنانة المصرية وفاء عامر، على الشائعات التي تطارد الفنانين من حين لآخر، سواء عبر "السوشال ميديا" أو بعض المواقع الإلكترونية، لافتة إلى أن هناك أيضًا صحفيين يبحثون عن المعلومة الصحيحة وهدفهم ليس جني الأرباح فقط.وقالت "وفاء" : "في صحفيين مش واخدينها أكل عيش، دول اللي أجري وراهم وأدعمهم، إنما الي بيجروا وراء شائعات وأمور سخيفة مش بكون مبسوطة لما بتكلم مع حد منهم".وتغزلت وفاء بالفنانة الشابة هدير الديب التي تشارك كوجه جديد معها في بطولة مسلسل "سكن البنات"، قائلة: "هدير إن شاء الله من الوجوه الي هيبقى عندها اكتساح الفترة الجاية، لما تبقى واقفة قدامي وأكون مبسوطة إنها معايا وأجيب سيرتها، اعرفي فورا انها هتبقى حاجة محترمة جدا، لإنها عاشقة للفن وخريجة معهد".
ومن جانبها علقت هدير الديب: "أول حاجة مش عارفة أجيب كلام يوصف جمال الأستاذة وفاء عامر، بتقف جنب الوجوه الجديدة وبتدينا طاقة إيجابية، لما باجي أعمل مشهد قد إيه بتعدل عليا وتقولي اعملي كذا علشان يبقى صح وتطلعي أحلى".وعلقت وفاء عامر: "أستاذ محمد النقلي المخرج كان بيقولي اعملي معاهم كذا وقوليلهم كذا، هما كانوا خايفين منه لإن صوته عالي، فكان بيخليني أتولى الوجوه الجديدة".وعن أول مشاهدها في المسلسل، قالت هدير: "أول مشهد ابتديت بيه المفروض إني نازلة من السلم وكنت ببهدل الدنيا وبقول كلام ميتقالش قصاد وفاء عامر".وأوضحت وفاء عامر: "أنا مبسوطة من مسلسل سكن البنات، عمل جيد جدا، مجموعة كبيرة من الوجوه الجديدة، دعاء وهايدي رفعت وهدير، هيبقوا نجمات، ومعانا كمان محمد نجاتي ومحسن صبري".
وعن قصة شعرها ولونه الجديد في فيلمها الأخير "خان تيولا"، قالت وفاء عامر: "شعري كان كويس وطويل، قلت أنا عندي استعداد إني أصبغ شعري أحمر علشان الدور يبقى مظبوط، وجيت مثلت في نفس اليوم الي عملت فيه شعري والموضوع كان صعب".وأردفت: "أنا قصيت شعري بس أهم حاجة المشاهد يكون مبسوط والناس كانت فرحانة إني عاملة دور جديد عليا، دور معملتوش قبل كده وقضية فيها فلسفة شوية مش رعب زي ما اتقال عليها".
قد يهمك أيضا:
وفاء عامر تُعلن أنها تتمنّى العمل مع غادة عبدالرازق في "لحم غزال"
وفاء عامر سعيدة بمشاركة شقيقتها أيتن مسلسلها الجديد
![albahraintoday](https://www.albahraintoday.com/stat/images/imgpsh_fullsizedesk.png)
![albahraintoday](https://www.albahraintoday.com/stat/images/imgpsh_fullsize.png)
أرسل تعليقك